Sandane Industri - Teknisk løysing

Sovesofaer frå Sandane

Ei kort brukarrettleiing

Ei rekkje sovesofaer med ulik design vert levert frå Sandane Industri L/L. Alle er basert på ein eigenutvikla, enkel og funksjonell teknologi, som gjev god utnytting og behageleg komfort.

Tresetaren gjev den beste dobbeltsenga, men sjølv den vesle, lettmøblerte tosetaren gjev ei godt brukande dobbeltseng. Nokre av modellane (Bødal, Innvik, Halling og Nordfjord) kan leverast som hjørne. Då får du soveplass for tre.

Vi syner her utslåing av tresetar og tosetar (klikk på bileta for større versjon)

1. Ryggputene må takast vekk.

Setedelen må vippast opp i loddrett stilling. Liggedelen er hengsla oppunder setedelen. Låseordninga sit midt på setet, og ein finn hendelen ved å ta handa bak og ned, midt på sofaen. Løys ut (klikk!) og drei liggedelen fram og opp.

Beina (to svarte bøyglar i overkant av liggedelsramma) er her slått ned. Vipp heile senga fram og ned til beina står på golvet.

4. No kan senga oppreiast.

Tresetaren består av som biletserien syner, to heile, lange madrassar utan skøyt. Her ligg du behageleg utan knirking og "metall-lydar" frå understelle og madrass.

Utslåing av tosetar:
Ved omgjering frå tosetar til dobbeltseng, nyttar ein ryggputene til å ligge på, slik fotoserien syner.

1. Ta bort ryggputene

2. Her er setedelen vippa opp i lodrett stilling. Liggedelen som er hengsla til setedelen, kan løysast ut ved å ta handa ned og bak midt på liggedelen. Dra i hendelen (klikk!), og dei liggedelen opp og fram.

3. Både liggedel og setedel har bein som skal slåast ut. På biletet er beina på setedelen utslått, medan beina på liggedelen enno ikkje er utslått.

4. Setedel og liggedel kan så vippast fram og ned på golvet med beina, samstundes som ein dreg heile "senga" fram i sporet i vangane, slik at det vert plass til ryggputene nede i "lommen" som kjem til syne. Senga er klar til oppreiing.

Ein tosetar eir eit møbel som er lett å plassere som sofa, men gjev likevel sengeplass for to.